Ætlar tú at dyppa í Nólsoy
Í Nólsoy er alsamt meira vanligt, at fólk leita sær oman á strondina at dyppa, og tað eru eisini bólkar og einstaklingar, sum sigla um fjørðin fyri at svimja í sjónum.
Á heimasíðuni hjá Tórshavnar kommunu www.torshavn.fo ber til at leita sær kunning um vatngóðskuna á teimum støðum í kommununi, har fólk svimja og dyppa. Eisini kanst tú fáa góð ráð um, hvussu tú sjálvur kanst kanna um vatngóðskan er ílagi.
Tað eru almenn vesi á keiini og miðskeiðis í bygdini, har tað ber til at skifta.
